Azərbaycan Fotoqrafları Birliyi 2025-ci ilin iyul ayında istifadəyə verdiyi yeni rəsmi vebsaytı ilə ölkəmizdə foto sənətinə göstərdiyi dəstəyi daha da gücləndirdi. photographer.az domenində fəaliyyət göstərən sayt, birliyin 1998-ci ildən bu günə qədər olan fəaliyyətini, sərgilərini, üzvlərini və digər yaradıcı təşəbbüslərini onlayn formatda təqdim edir.

Yeni platforma Laravel framework-u ilə sıfırdan hazırlanıb və çoxdilli (azərbaycan, rus, ingilis) istifadəçi interfeysi ilə təchiz olunub. Vebsayt üzərindən fotoqrafların profillərinə baxmaq, sərgilərlə tanış olmaq, xəbərləri izləmək və birliyin fəaliyyəti barədə məlumat almaq mümkündür. Saytın idarə olunması üçün hazırlanmış xüsusi admin panel vasitəsilə kontent rahat şəkildə əlavə və redaktə olunur.

Layihənin texniki inkişafı zamanı aşağıdakı imkanlar təmin olunmuşdur:

• Çoxdilli məzmun idarəetməsi

• Sərgi və tədbir təqvimi

• Dinamik fotoqraf profilləri

• Şəkil qalereyası və media yükləmə sistemi

• SEO optimallaşdırması və sosial media inteqrasiyası

• Mobil uyğun (responsive) dizayn

Yeni sayt həm yerli, həm də beynəlxalq auditoriya üçün Azərbaycan fotoqraflarının fəaliyyətini tanıtmaq və sənət platformasını daha əlçatan etmək məqsədi daşıyır.